საკადრო უზრუნველყოფის დეპარტამენტი საქართველოს იუსტიციის სამინისტროს სტრუქტურულ ქვედანაყოფია, რომელიც:

• შეიმუშავებს რეკომენდაციებს სამინისტროს სისტემის საკადრო რესურსების მართვის ოპტიმიზაციის მიზნით;

• ამზადებს ბრძანების პროექტებს სამინისტროს სისტემის მოსამსახურეთა დადგენილი წესის შესაბამისად დანიშვნის, სამსახურებრივი გადაადგილების გათავისუფლების, წახალისების და დისციპლინური პასუხისმგებლობის ღონისძიების გამოყენების, შვებულებისა და მივლინების შესახებ.

მის კომპეტენციაში შედის აგრეთვე:

• სოციალური საკითხების გადაწყვეტა და საპენსიო საბუთების გაფორმება წელთა ნამსახურობის მიხედვით;

• სამინისტროს სისტემის მოსამსახურეთა პროფესიულ მომზადებასთან და გადამზადებასთან დაკავშირებული საკითხების უზრუნველყოფა;

• სამინისტროს სისტემის მოსამსახურეთათვის ატესტაციის ორგანიზება;

• სამინისტროს სისტემაში არსებული ვაკანტური თანამდებობების დასაკავებლად კონკურსის ორგანიზება;

• სამინისტროს შინაგანაწესის შემუშავება და მის შესრულებაზე კონტროლი.
  
  დეპარტამენტის შემადგენლობაში შედის:
  
  
  1. საკადრო რესურსების მართვის სამმართველო;
  
  2. სამინისტროს საქვეუწყებო ორგანოებში საკადრო რესურსების მართვის სამმართველო.