საჯარო სამართლის იურიდიული პირი - იურიდიული დახმარების სამსახური იუსტიციის სამინისტროს მმართველობის ფარგლებში 2007 წლის ივლისში ამოქმედდა. იგი პილოტური პროექტის - საზოგადოებრივი (სახაზინო) ადვოკატის სამსახურისა ბაზაზე ჩამოყალიბდა.
 

საქართველოს კონსტიტუციის 42-ე მუხლის თანახმად „დაცვის უფლება გარანტირებულია”, რაც იმას ნიშნავს, რომ საქართველოში მცხოვრებ ყოველ მოქალაქეს, ფინანსური მდგომარეობის მიუხედავად უნდა ჰქონდეს შესაძლებლობა ისარგებლოს დამცველის დახმარებით სისხლის სამართლის პროცესის განმავლობაში. იურიდიული დახმარების სამსახურის ძირითად ფუნქციას, სახელმწიფოს ამ ვალდებულების რეალიზაცია წარმოადგენს.

სამსახური კოორდინაციას უწევს სახელმწიფოს ხარჯზე არსებული იურიდიული დახმარების სისტემის ფუნქციონირებას და უზრუნველყოფს მოქალაქეებისათვის ხარისხიანი სამართლებრივი მომსახურების გაწევას.
 

დღეისათვის, ქვეყნის მაშტაბით მოქმედებს იურიდიული დახმარების თბილისის, მცხეთა-მთიანეთის, კახეთის, ქვემო ქართლის, შიდა ქართლის, იმერეთის, სამეგრელოსა და აჭარის ბიუროები, სადაც დასაქმებულები არიან კონკურსის წესით შერჩეული კვალიფიციური ადვოკატები. საზოგადოებრივი ადვოკატები სპეციალური მანდატის ფარგლებში, ახორციელებენ ბრალდებულთა, განსასჯელთა და მსჯავდებულთა საადვოკატო მამსახურეობას, როგორც წინასწარი გამოძიების დროს, ისე საქმის სასამართლო განხილვის ეტაპზე.
 

იურიდიული დახმარების სამსახურის ბიუროებს აქვს საკონსულტაციო ცენტრი, სადაც ნებისმიერ მოქალაქეს შეუძლია მიიღოს კვალიფიციური იურიდიული კონსულტაცია.

2009 წლიდან იურიდიული დახმარების ბიუროებში სოციალურად დაუცველ მოქალაქეებს საადვოკატო მომსახურებას გაუწევენ სამოქალაქო და ადმინისტრაციულ საქმეებთან დაკავშირებით.

იხილეთ: თბილისის იურიდიული დახმარების ბიუროს იურიდიული კლინიკის პროგრამა


სამსახურის კოორდინატებია:

საქართველოს იუსტიციის სამინისტროს სსიპ იურიდიული დახმარების სამსახური: ქ. თბილისი, რუსთაველის გამზ. 30 ტელ: (+995 32) 988493

იურიდიული დახმარების ბიუროები: