იუსტიციის სახლს უცხოური დელეგაციები ესტუმრნენ
15 ივნისს, რუსთავის იუსტიციის სახლი ნატოში ლიტვის ელჩმა დაათვალიერა. კესტუტის იანკაუსკასი საქართველოში სახელმწიფო მომსახურების სფეროში განხორციელებულ რეფორმებსა და იუსტიციის სახლის კონცეფციას გაეცნო. სპეციალურად საპატიო სტუმრისათვის მოეწყო ტური იუსტიციის სახლში, რომლის ფარგლებშიც ნატოში ლიტვის წარმომადგენელს შესაძლებლობა მიეცა, დაკვირვებოდა სერვისცენტრის ფუნქციონირების სპეციფიკასა და მომსახურების სტანდარტებს.
პროკურატურის ინიციატივით, მდინარე იორზე ჯომარდობა გაიმართა
საქართველოს პროკურატურის ინიციატივით, მდინარე იორზე ჯომარდობა გაიმართა. სპორტულ ასპარეზობაში მცხეთის რაიონული პროკურატურის პროკურორებსა და თიანეთის მუნიციპალიტეტის გამგეობის წევრებთან ერთად თიანეთის საჯარო სკოლების მოსწავლეები მონაწილეობდნენ. ჯომარდობისათვის საჭირო ეკიპირება ასპარეზობის მონაწილეებისათვიის საგანგებოდ დამზადდა. შეჯიბრის დასრულების შემდეგ დაჯილდოვების ცერემონაილი გაიმართა - საპრიზო ადგილებზე გასულ გუნდებს სამახსოვრო საჩუქრები გადაეცა. ჯომარდობის ყველა მონაწილემ კი სპეციალური დიპლომები მიიღო.
პასპორტებისა და ID ბარათის მიღება სამოქალაქო რეესტრში გამოუცხადებლადაც არის შესაძლებელი
პასპორტებისა და აიდი ბარათების მიღება იუსტიციის სამინისტროს სამოქალაქო რეესტრის სააგენტოს ტერიტორიულ სამსახურებში გამოუცხადებლადაც არის შესაძლებელი.
