2010 წლის 25 მაისს სასტუმრო „ქორთიარდ მარიოტში" გაიმართა კონფერენცია, რომელიც იუსტიციის მინისტრის პირველმა მოადგილემ თინა ბურჯალიანმა და  სასჯელაღსრულების, პრობაციისა და იურიდიული დახმარების მინისტრის მოადგილემ გიორგი მაკასარაშვილმა გახსნეს. კონფერენციაზე თითოეულმა სამუშაო ჯგუფმა და რეფორმაში მონაწილე უწყებათა წარმომადგენლებმა სისხლის სამართლის რეფორმის მიმდინარეობის შესახებ ანგარიშები წარმოადგინეს. გაიმართა დისკუსია, რომელშიც მონაწილეობა მიიღეს დონორი და არასამთავრობო ორგანიზაციების წარმომადგენლებმაც.

სისხლის სამართლის უწყებათაშორისი საკოორდინაციო საბჭოს მიერ მიღებული  გადაწყვეტილების თანახმად, საბჭოს სამდივნო უზრუნველყოფს სისხლის სამართლის სისტემის რეფორმის სტრატეგიისა და სამოქმედო გეგმის განხორციელების პროცესის მონიტორინგს. საბჭოს სამდივნოს ფარგლებში მომზადდა სამთვიანი მონიტორინგის ანგარიში, რომელიც  მოიცავს მოკლე ინფორმაციას 2009 წლის სექტემბერ-დეკემბერში განხორციელებული საქმიანობების შესახებ.

სისხლის სამართლის რეფომის მიზანია საქარველოში კანონის უზენაესობის გაძლიერება  და ადამინის უფლებების დაცვა გამჭვირვალე და ღია რეფორმების გატარების მეშვეობით, ყველა დაინტერესებული მხარის მონაწილეობით.

სისხლის სამართლის სისტემის რეფორმა უმნიშვნელოვანესია საქართველოში ადამიანის უფლებებისა და კანონის უზენაესობის დაცვის გაძლიერებისათვის. სწორედ ამიტომ ეს სექტორი ერთ-ერთი პროიორიტეტია საქართველოს მთავრობისათვის.