უცხოელი საქართველოდან შეიძლება გაძევებულ იქნას იმ შემთხვევებში, თუ:

• იგი უკანონოდ შემოვიდა საქართველოში;

• აღარ არსებობს საქართველოში მისი შემდგომი ყოფნის სამართლებრივი საფუძველი;

• მისი ყოფნა ეწინააღმდეგება საქართველოს სახელმწიფო უშიშროების ინტერესებს და საზოგადოებრივი წესრიგის დაცვას;

• მისი გაძევება აუცილებელია საქართველოს მოქალაქეთა და საქართველოში კანონიერად მყოფ სხვა პირთა ჯანმრთელობის, უფლებებისა და კანონიერი ინტერესების დაცვისათვის;

• იგი სისტემატურად არღვევს საქართველოს კანონმდებლობას;

• მან საქართველოში შემოსვლის ან ყოფნის სამართლებრივი საფუძველი მოიპოვა ყალბი ან ძალის არმქონე საბუთების წარდგენით;

• მას ერთი ან რამდენიმე განზრახ ჩადენილი დანაშაულისათვის მისჯილი აქვს ერთ წელზე მეტი ვადით თავისუფლების აღკვეთა – სასჯელის მოხდის შემდეგ.

უცხოელი შეიძლება გაძევებულ იქნას:

• მისი მოქალაქეობის ან მუდმივი საცხოვრებლის ქვეყანაში;

• იმ ქვეყანაში, საიდანაც შემოვიდა საქართველოში;

• ნებისმიერ ქვეყანაში, რომელიც თანახმაა მიიღოს იგი.

უცხოელი ვალდებულია, გადაწყვეტილების მისთვის გაცნობიდან სამი დღის ვადაში დატოვოს საქართველო. წინააღმდეგ შემთხვევაში, იგი იძულებით გაძევდება და ერთ წლის განმავლობაში აეკრძალება საქართველოში შემოსვლა.