საქართველოს იუსტიციის სამინისტროს სტრუქტურული ქვედანაყოფი, ეკონომიკური დეპარტამენტი:

• კოორდინაციას უწევს სამინისტროსა და მის სისტემაში შემავალი საქვეუწყებო დაწესებულებების, ეკონომიკურ, ფინანსურ და სამეურნეო საქმიანობას;

• შეიმუშავებს სამინისტროს ერთიანი ბიუჯეტის პროექტს, აწარმოებს მათი ფინანსური და მატერიალური აქტივებისა და პასივების ანგარიშგებს;

• განიხილავს კვარტალურ და წლიურ ანგარიშგებას;

მის ფუნქციებში შედის, აგრეთვე:

• სამინისტროს სისტემის მატერიალურ-ტექნიკური უზრუნველყოფა;

• სახელმწიფო შესყიდვების განხორციელებისათვის ტენდერის ორგანიზება, ტენდერში გამარჯვებულ იურიდიულ და ფიზიკურ პირებთან ხელშეკრულების მომზადება და გაფორმება;

• სამინისტროს ბიუჯეტის ხარჯვითი ნაწილის შესრულება, კვარტალური და წლიური საფინანსო და სტატისტიკური ანგარიშების შედგენა და მათი დროულად წარდგენა საქართველოს ფინანსთა სამინისტროსათვის;

• სამინისტროს სისტემაში შემავალი დაწესებულებების საფინასო-სამეურნეო საქმიანობის ანალიზი.
  
  დეპარტამენტის სტრუქტურული ერთეულებია:
  
  
  1. საბუღალტრო აღრიცხვის სამმართველო;
  
  2. ბიუჯეტის დაგეგმვის და შესყიდვების სამმართველო;
  
  3. მატერიალურ-ტექნიკური უზრუნველყოფის სამმართველო.