ადმინისტრაცია საქართველოს იუსტიციის სამინისტროს სტრუქტურული ქვედანაყოფია, რომელიც:

• ამზადებს მინისტრის მოხსენებებს, გამოსვლებს და ანგარიშებს, აგრეთვე სტატისტიკურ მონაცემებს და ინფორმაციას სამინისტროს საქმიანობის საზოგადოებისთვის გასაცნობად;

• კოორდინაციას უწევს მინისტრის საერთაშორისო კავშირებს და სამინისტროს ურთიერთობას სხვადასხვა სახელმწიფო დაწესებულებებთან, საჯარო და კერძო სამართლის იურიდიულ პირებთან, არასამთავრობო და საერთაშორისო ორგანიზაციებთან, საქართველოში აკრედიტებულ დიპლომატიურ წარმომადგენლობებთან.

მის კომპეტენციაში შედის, აგრეთვე:

• მოქალაქეთა საჩივრების განხილვა და რეაგირება,

• მასობრივი ინფორმაციის საშუალებებთან ურთიერთობის დამყარება,

• ყოველდღიური პრესის მიმოხილვის მომზადება, პრესრელიზების მომზადება და გავრცელება იუსტიციის სამინისტროს სისტემაში მიმდინარე მოვლენების თაობაზე;

• სამინისტროს ცენტრალური აპარატის შენობაში პრესკონფერენციებისა და ბრიფინგების ჩატარების ორგანიზება,

• სამინისტროს საქმიანობაში თანამედროვე საინფორმაციო-საკომუნიკაციო ტექნოლოგიების დანერგვა და გამართული ფუნქციონირების ხელშეწყობა;

• სამინისტროში არსებული საჯარო ინფორმაციის ელექტრონული ვერსიების კომპიუტერული უზრუნველყოფა, მისი დამუშავების ხელშეწყობა, გავრცელება და დაცვა, ელექტრონული მონაცემთა ბაზების ფორმირება-სრულყოფის ხელშეწყობა და დაცვა;

• სამინისტროს ლოკალური კომპიუტერული ქსელის მონტაჟი და მისი შემდგომი ადმინისტრირება.

ადმინისტრაციის შემადგენლობაში შედის:

1. ორგანიზაციული უზრუნველყოფისა და პროტოკოლის სამმართველო;

2. საქმისწარმოების სამმართველო;

3. საზოგადოებასთან ურთიერთობის სამმართველო;

4. საინფორმაციო ტექნოლოგიების სამმართველო.