1 სექტემბერს სასტუმრო „თბილისი მარიოტში“ ახალ სისხლის სამართლის საპროცესო კოდექსში შესატანი ცვლილებებისა და დამატებების პრეზენტაცია გაიმართა.
ცვლილებებისა და დამატებების კანონპროექტი შემუშავდა სისხლის სამართლის მართლმსაჯულების რეფორმის ფარგლებში შექმნილი სისხლის სამართლის საპროცესო კანონმდებლობის სამუშაო ჯგუფის მიერ. კანონპროექტის მიზანია, სისხლის სამართლის საპროცესო კოდექსის დახვეწა და სრულყოფა მის ამოქმედებამდე.
2010 წლის 1 სექტემბერს საქართველოს იუსტიციის სამინისტროს ახალი შენობის პრეზენტაცია გაიმართა. ოფიციალურ ცერემონიაში საქართველოს პრემიერმინიტრი ნიკა გილაური და იუსტიციის მინისტრი ზურაბ ადეიშვილი მონაწილეობდნენ. სტუმრებს შორის იყვნენ საკანონმდებლო, აღმასრულებელი და სასამართლო ხელისუფლების, საქართველოში აკრედიტებული დიპლომატიური კორპუსის, აგრეთვე - საერთაშორისო ორგანიზაციებისა და მედიის წარმომადგენლები.
30 აგვისტოს უწყებათაშორისი საკოორდინაციო საბჭოს მორიგი სხდომა გაიმართა. სხდომას საბჭოს თავმჯდომარე, იუსტიციის მინისტრი, ბატონი ზურაბ ადეიშვილი თავმჯდომარეობდა. სხდომას ესწრებოდნენ საქართველოს საკანონმდებლო, აღმასრულებელი, სასამართლო და არასამთავრობო სექტორის წარმომადგენლები.
საქართველოს მოქალაქის უფლებების დაცვის მიზნით საკანონმდებლო ცვლილებები განხორციელდა. აღნიშნულთან დაკავშირებით, დღეს, იუსტიციის მინისტრის მოადგილემ, სამოქალაქო რეესტრის სააგენტოს თავმჯდომარემ გიორგი ვაშაძემ პრესკონფერენცია გამართა.
საქართველოს იუსტიციის სამინისტროს ეროვნული არქივის გენერალური დირექტორი თეონა იაშვილი ეგვიპტის არაბთა რესპუბლიკის საგანგებო და სრულუფლებიან ელჩს, მის აღმატებულება ბატონ ვაჰიდ ელდინ ისმაილ გალალის შეხვდა. შეხვედრაზე განიხილეს საქართველოსა და ეგვიპტის არქივებს შორის საქმიანი ურთიერთობების განვითარების ფორმები; უწყებებს შორის დოკუმენტების დაცვისა და რესტავრაციის სფეროში გამოცდილების გაზიარების, სემინარების მოწყობის შესაძლებლობები.
საქართველოს პრეზიდენტის 2010 წლის 3 ივნისის № 376 ბრძანებულებით დამტკიცდა საქართველოს ეროვნული ანტიკორუფციული სტრატეგია. ამავე ბრძანებულებით განისაზღვრა, რომ საქართველოს მთავრობამ უნდა შეიმუშაოს და 2010 წლის 1 სექტემბრამდე საქართველოს პრეზიდენტს დასამტკიცებლად წარუდგინოს „საქართველოს ეროვნული ანტიკორუფციული სტრატეგიის განხორციელების სამოქმედო გეგმა".
